Ayeln-t titbirin s igenwan Aḍun-t-d, sersent tiḍarin f usulil a-n
Ar issutur yan ad sers nt isawal
Inin as nt
Azul a ti-d agh yukern ul
Azul n tayri gitengh isserghan takat
Ig w-ul negh inkan, aywa ma-d tennamt
Gigh-en afus ad agwmegh tayri s w-uraw
Igh ukan lkemn imi, tffertel ger iḍudan
Tasa trufa, tra tissi inghan irafan
Aman, tiguriwin nwent ad tnt igan
Ul igellin isellaw
Ar ittwarga s isura n tayri
Ad gisen ssan, uten s iẓuran
Zugen gh igran d w-urtan
Ajjig izuẓden tafukt gh w-ussan semmiḍnin ad gan
Tuga ikermn iran tuksi1 d uzwu irghan
A titbirin, is tram-t ad neg asmun n tudert
Imiri ur tessiḥel temmara mqar teggut
Ahiyyaḍ ittghawalen aḥwac mqar yaggug
Imaran imazighen skern akw tagelmimt s imeṭṭawen
Sul ukan llan-t, gin-t anmirag2 n imaghzalen3
Gin-t ula asanzal4 n imallayen
Ad ẓrin timitar n tayri
Dar ayt tmazgha d timmuzgha
Fken tugga
F ma-d isunf umezruy ad-t ur yara
Amawal :
1- Tuksi : chaleur
2- Anmirag : point de rencontre
3-Iimaghzalen : amoureux
4- Asanzal : lieu de pélerinage
Amasine
Agadir, ass : 15/01/97
Azul irghan i umedyaz nnegh Amasine :
RépondreSupprimerTanmmirt tuzghilt ghif tghuri nnek far ad gegh anebgi nnek g umercidu(La cérémonie)lli tserteld(fonder).Ur illi mayd igan aghedjaj anect ad mmeghran isneflal s tesqimmut n tiram n usneflul.Ur illi mayd igan unf(L'intérêt)anect ad lmedgh dar k yan wawal lli ur dju ssingh negh ad i teTTafd afus far ad tghebbez twengimt inu g yan udawin (L'image)udyiz am wi-n titbirin.Nessen is tatbirt tga tadugamt n ufra ,negh tabrat iqqarn i tudert n ufra d tayri d umuzzu.Tatbirt tekka tga tamesselkamt n wazan .Tatbirt tga dar k azan s utta nnes i ighezwer ,azan nna ran imazighn ad t arun s imTTawn nsen,s uZugh (Le sang)nsen,s tidi nesn far ad issersel amuzzu s wamak nnes umdig(Positif)Tatbirt lli ur uzDar awd yan ad t ikmes s iDuDan nnes far ad as ikkes tiggurg(La liberté)ayd igan tamazight s tumast nnes lli ur izmir awd yan uwdaz(La conquête) ad as ikkes azref n tudert d uzubdu(La continuité).Tatbirt tga dar k wan titrit ira ku amadan ad t ikmes maca ar as terreftal.Tatbirt tga tilelli nna ghif s da allan itsen ,ar ttemtan wi-yyaD acku s ifg (Le vol)nnes ar tessamak taderfit ur issin i ukmas n awd yuk mayenzi igh t ikmes yan umadan hat ikkes i wa-yyaD.Tga tatbirt tawalt innefsusrn ger imjjan asl(sans) n awd yan unjug(L'obstacle).Tga asidd lli ur izmir awd yan itn (L'obstacle)ad t iffer i wallen n imezdagh n yat tnila g umaDal.Ayyuz nnek ghif tirmt ddegh yaDfuDn.Ar tiremt yaDn.