Ad-d ighwli uzenẓar, ireẓ tillas Ifaw lḥal, tanef tallest
Zrin w-aman gh tergwa
Gwmern-t tizzwa
Fsun ujjigen gh igran
Sjujjun urtan
Ilin-t w-ulli gh iseksa
d imadaghen gh unrar
Ur-d anzig, negh d azag
Ur-d afa n udrar
As ra-d rwelgh a tikeṣṣad
Mac, inaghan imeghlal ad-d iqanen ukan
Ur ugadegh tikeṣṣad
Ur kṣudegh imal
Tillas mqar gguten-t
Ad anfen-t ukan
Azenẓar ad-d ighwli
Mqar, mqar
Mqar inbbeḍ uzeḍḍum
Mqar tella telkkawet
Mqar gan imeksawen uccanen
Mqar telluẓa tyessa
Azenẓar ra-d igemḍ
Azenẓar ra-d ilal
Ra-d ifaw lḥal
Ra-d iḍessa w-azzan
Yummer baba-s
Tummer ma-s
Amasine
Ass: 28/09/02
Azul i Mass Amasin Atanan :
RépondreSupprimerIlligh ghrigh tadyazt nnek syafagh anya nnes n umlasay ger usidd d tallest,ger ughdam d uzDam ,ger uzref d uramur.Syafagh aqas nnek n wasaD ur itteksuDn tallest d idendam nnes(Les fantômes).Tadyazt nnek tga amarg n ujerded(L'enthousiasme)i ku ameghnanas.Ayyuz nnek.